Մարդասիրական ճգնաժամ – Համախմբման կոչ - Աջակցություն Սիրիայի հայ համայնքին

Թուրքիայում և Սիրիայում տեղի ունեցած վերջին երկրաշարժերը լուրջ հումանիտար ճգնաժամ են ստեղծել և տասնյակ հազարավոր մարդկանց մահվան պատճառ են դարձել։ Լրջորեն տուժել են նաև տեղի հայ համայնքները, հատկապես սիրիահայերը։

Բելգիայի հայերի կոմիտեն այս կիրակի՝ փետրվարի 26-ին, տեսակոնֆերանսի միջոցով կազմակերպել էր հանդիպում Սիրիայի Հայ Առաքելական Եկեղեցու Առաջնորդ մոնսինյոր Մակար Եպիսկոպոս Աշկարյանի և Սիրիայի հայ համայնքի նախագահ Սումբուլ Սումբուլյանի հետ։

Նրանք մեզ մանրամասներ փոխանցեցին տիրող իրավիճակի և հումանիտար օգնության առումով իրենց կարիքների մասին։ Թեև համայնքում մահացածների և վիրավորների թիվը համամասնորեն սահմանափակ է (առայժմ՝ 2 զոհ և 15 վիրավոր), նյութական վնասը զգալի է, տների մինչև 90%-ը վնասվել են, ինչպես նաև մի քանի եկեղեցիներ և համայնքային շենքերը մեծապես տուժել են:

Հետևաբար, շատ մարդիկ ստիպված են եղել լքել իրենց բնակավայրերը։ Կարիք կա մի շարք առաջին անհրաժեշտության պարագաների՝ բժշկական սարքավորումներ, հագուստ, քնապարկեր: Ըստ բանախոսների փոխանցած տեղեկությունների մինչ օրս միջազգային օգնությունը դեռ դանդաղ է հասնում: Այս երկրաշարժն էլ ավելի է սրել սիրիահայ համայնքի առանց այն էլ անորոշ վիճակը, որը մի քանի տարվա պատերազմի և երկրի տնտեսական դժվարությունների լծի տակ է։

Նկատի ունենալով այս կրիտիկական իրավիճակը, Բելգիայի հայերի կոմիտեն հրավիրում է համայնքին և Բելգիայի տարբեր միություններին մոբիլիզացվելու՝ մեր հայրենակիցներին օգնության օգնության ձեռք մեկնելու համար: Եթե ​​ցանկանում եք մասնակցել, խնդրում ենք նվիրատվություն կատարել կոմիտեի BE42 2100 0731 4054 հաշվեհամարին՝ «Նվիրատվություն Սիրիայի համար» հաղորդագրությամբ։

Կանխավ շնորհակալ ենք աջակցության համար։

Ռոբերտ Ունուսյան Բելգիայի հայերի կոմիտեի նախագահ